Dienstag, 29. Januar 2019, 18:21 Uhr
Waterstoff?

Us plattdütsch is moi

136
0
 

De Bruunköhl mutt wech

Brake Neelich weer een Striet, wie man an Besten von de brune Köhl wech kummt. Leserbreef keemen dor eenige. As ik bi dat Rad fohrn doröber nadacht hev, full mi dar to dat Thema so manches in. Drömt hev ik dat nich, bi`t Radfohrn dröömt man nich.

So in de 70er Johrn hett man in us Heimot jo dat AKW in Lütjensiel boot. Veele Tünnen von Stahl, Beton un wat weet ik, wurrn dorför brukt. Dat Ziel weer, dat man billige Energie har. Köhl, Erdgas, Brunköhl, Erdöl weern ja in Dütschland dor, dat brennte ja good. Aber Atomspaltung un de Energie dorut, weer billiger, Qualmte nich, weer ohne Gestank.

De ol Jules Verne har schon 1894 de Idee. Wie hebbt so veel Water, darut möt ji de Energie moken. Aver dat Maken von Woterstoff is düer, seggte man, und dat stimmte wull, dürer as Atom, aver wenn man ehrlich is, hett man dat blots nicht to Enn dacht.  So hett man dat bisiet leggt.

Man har jo nu den billigen Atomstrom. Blots dormit kunnst du keen Auto, Schipp, Isenbohn, Fleeger fohrn. Dat geiht mit Benzin/Kerosin/Schweröl/Diesel.  De us den Krom verkoopen kunn, Araber, Ghadafi, Venezuela, und us Nabers de Engländer, wussen ok wat se för den Barrel nehmen kunn. 1986 mussen wi 14,4 Dollar för den Barrel geven, 112 Dollar gevt wi nu.

De Grönen meenten denn mol, dat se de Priis för Benzin mol um 5 Penning för den Liter ropsetten kunn, dormit de Lüe nich so veel föhrten. 1970 kreeg us Finanzminister 5,8 MRD Stüern, 2017 41 MRD Mineralölstüern.Mit anner Wöör: 12,5% fun alle Utgaven in us Land, betalt wi Autofohrer, fun allens, ok för de tweien Straaten.

In Momang schnackt se all fun E-Autos. De Stüer vör 100 km mit son Vehikel givt 31 Ct. för den Staat, 3,93 € kriggt he fun de annern, de mit Benzin fohren dot. Ik dröm wieder: wenn VW Benziner herstellt, ward dor mehr Lüe för brukt, as wenn se E-Autos herstellt.

Un wat mokt VW un de annern Autobuern mit sers Mitarbeiter, wo blievt de? De Lüd, de inne Brunköhl wöhlt hebbt, wenn de still leggt ward, wo find de denn Arbeit?

Ik drööm wieder: Waterstoff in Dütschland herstellt, ton Deel mit Energie fun Sünn, Water, Wind, Voltaik un Erdgas, dat givt dat för de Autos, Schipp, LKW. Dat schönste aver: de givt dat, se fohrt as Busse inne Stadt, bi de PKW „forscht man“ wie se dat nennt. Aver de Japaner, Koreaner Chinesen hebbt Modelle mit Brennstoffzellen, de Waterstoff als Brennstoff nutzen. Ut den Utpuff kümmt Waterdamp, sons nix.
Wi brukt jo ok veel Gas, vun Putin/Schröder, aver in flüsssige Form kriegt wi dat ok vun Norwegen, USA usw. Inne Presse lest man, dat Putin den Hahn dicht dreiht, wenn he will. Ik frog mi jümmers: worum schull he dat wull dohn, wie betalt dat doch.

In so manche Saken sind wie Dütschen jo vörweg, hier pennt se. Oder will de Staat dat nich? Mineralölstüer ward denn mächtig trüch gahn, geiht us dat jüst so, as de Griechen, Italiener wenn düsse Innahmen fehlt, möt wi denn Hülp vun annern hebben?  

Ik gev jo to, dat ward noch so 40 bit 50 Johr duern, kummt Tied, kummt Raat. Dat mutt keen böse Droom warrn, ik bün mi seeker, dat us rechtidig dorto wat infallt.

Wi hebbt jo nu sehn, dat Atomstrom doch nich so billig is, denn dat Bisiet moken fun de grooten Betonbouten, dat kost. Un wenn ik an de „strahlenden“ Affall denk, worhen mit den Schiet, nüms will so wat hebben.

Leserkommentare (0)

Melden Sie sich bitte an um einen Kommentar abzugeben.
Passwort vergessen

Artikel schreiben



Bitte warten...
Schon registriert?
Melden Sie sich hier an! Passwort vergessen Anmelden
Noch nicht mit dabei?
Registrieren Sie sich hier! Registrieren

Feedback

Sie haben einen Fehler entdeckt oder einen Verbesserungsvorschlag? Schreiben Sie uns!

Suchen in der N@chbarschaft

Der Autor