Artikel von

De Fohrt na Wingst

Brake Us Reisemarschall Walter Folkens hett dat mol wedder klor kreege. Eene schöne, kotte Reis to organiseern. So güng dat mit Wiards ut Eckfleth ton Enteneeten na Wingst.

 Tohoop mit anner Gäst fohrten wi denn na „Guntsiet“, twüschen Elw un Werser. Bremerhaven kennt de meisten, is jo nah bi, aver Bad Bederkesa vörbi, dör afernte Felder fun Mais, langwielig, kennt wi!

 Aver denn sünd dor veele hochbeenige Vagels, groot as de Störch, aver grau. Kraniche, un wo veel, pickten dor op Land de Mais op. So wat hebbt wi bi us inne Marsch nich!

 In Lokal ankomen kreegen wi denn lecker Eeten, mit veel Bilaag, Zuppen vörweg, Pudding achteran. Wer nich satt wurrn is, har sülbst Schuld.

 Op platt kreegen wi denn Döntsches vertellt vun em un ehr. Een Fru mit Akkordeon ünnerholl us mit „Biscaya“ vun James Last, so recht wat toon drömen. Gemeensam singen, dat is al lang her, hier hebbt se all mitmokt, knapp 100 Lüe in Saal, dat har wat!

To allerletzt de beleevte Sketch „Dinner för een“ natürlich op platt. Un se weern all dorbi, Frollein Mariechen, Kaptein Botterbloom, Paster Piepenbrink un de annern ok.

 Johann geev sin Best, dat drinken mit Knallköm, Wittwin, Cherry wur verdeelt un klor, Johann fragt denn jümmer: „Dat sülve Procedere as letzt Johr?“ „“Kloor doch“ anter Frollein Mariechen “ dat sülvige as jedes Johr, Johann“.

 Veele Mohl all sehen, aver op platt, dat hett wat!

 In Düstern fohrten wi denn woller trüch, een richtig netten Namiddag weer dat.