Montag, 05. Dezember 2016, 21:45 Uhr
SoVD -Ortsgruppe Ocholt

Wiehnachtsfier bi ´n SoVD in Ocholt

958
1
 

Weihnachtsfeier des SoVD Ocholt

Westerstede Wiehnachtsfier! Dat heet, dat Joahr is bold vörbi, is hinswunnen. Fröher gungen wi an ´n Oltjoahrsaabend van Huus to Huus in`e Naaberschupp und sungen "Das Jahr ist hingeschwunden, wie Schaum im wilden Bach .....", Dat schall jo denn eenen oder annern geven hebben, de sungen hett: "Das Jahr ist hingeschwunden, wir schaun in´n wilden Bach". Watt dat in denn Wildbach to kieken geev, weet´t wi nich, aaber laachen dot wi doar vandoogen noch öwer.
Aber ick will nich ganz von´t Thema afkaam: So at dat toböberst steiht, schall dat üm de SoVD-Wiehnachtsfier gohn.
So at elk een Joahr, weer ok van´t Joahr de Fier woller in´n Doerps Kroog Howiek. Us 1. Vörsitter hett de Besöker, so 60 weern d´r woll, begröt. Ganz besünners Eduard Willms, de van´n SoVD-Kreisverband in Westäer kaam´weer. Denn geev dat Koffee und Koken, de de Frolü van´n Ortsverband woller sülben backt harrn. Ganz besünners freit hebbt wi us öwer Vanessa Wobbenhorst, Bennet Schröder un Florian Brünjes, dree Kinner ut de Plattdüütsch AG, de plattdüütsche Riemels vördrogen hebbt. In disse AG bringt Hans-Gerd Harms so´n Köppel Kinner de plattdüütsche Sprook bi. De dree hebbt dat wunnerboor mokt. Dorför geev´t väel Biefall. Hans-Gerd Harms, Friedrich-Wilhelm Henning un Eduard Willms hebbt ok noch ´n poar Wiehnachtsgeschichten un -riemels vördrogen. Geschichten und Riemels, de se mit väel Bedacht utsöcht harrn. All tosoomen hebbt wi uplest denn noch een plattdütsch Wiehnachtsleed sungen.
De Vörstand bedankt sick bi all de Lü, de dat Joahr öwer so fliedig mit hulpen hebbt. An´n En´n kreegen de Besöker noch ´n lüttjet Wiehnachtsgeschenk, bevör se sick op ´n Padd mokt hebbt.
Wi meent, dat weer ´n moien Namiddag.
Wi wünscht jo all een besinnlicht Fest und för dat tokomen Joahr dat Allerbest.
De Vörstand

SoVD, een starken Vereen. Wullt Du dor nich ok mit bi wesen?

Leserkommentare (1)

Melden Sie sich bitte an um einen Kommentar abzugeben.
Passwort vergessen

Artikel schreiben



Bitte warten...
Schon registriert?
Melden Sie sich hier an! Passwort vergessen Anmelden
Noch nicht mit dabei?
Registrieren Sie sich hier! Registrieren

Feedback

Sie haben einen Fehler entdeckt oder einen Verbesserungsvorschlag? Schreiben Sie uns!

Suchen in der N@chbarschaft

Die Autorin