Neejahr

Ammerland De Klock sleit an.
Hen geiht dat Jahr,
is old un krumm un dreggt so swoor.
Wi groot de Last van all us Noot,
vääl Wehdag, biester Doon un Dood!

De Klocken klingt hell in de Nacht,
ropt Gott to Ehr. De Wind weiht sacht;
van Dörp to Dörp geiht hen de Klang,
van all de Karktoorns de Klockenslag.

Bliev stahn, du Minsch, un laat dien Drieven!
Dat junge Jahr will bi us blieven.
Wi grööt't di blied, du junge Gast.
Schenk us een Jahr ahn Noot un Hast!

So laat't us fast tosamenstahn!
Mag elkeen an sien Dagwark gahn!
Un lücht na Nacht de nee'e Dag,
segg "Ja" to dat, wat kamen mag!

                                     Överleevert

Woortverklaaren:
Wehdag=Schmerzen; biester Doon=finster,  schmerzliche Sache; Dood=Tod;
Drieven=Treiben; blied=freundlich; ahn=ohne;