Irgendwo up 'n Kaarkhoff!

Edewecht / Ammerland "Watt will he woll, de feine Herr
dar in den groten Wagen?
He kickt so arig na mi her,
as wull he mi wat fragen!"

"He! Gode Mann, ik heff een Fraag:
Kennt Se woll Grete Helms?
Heff jüst 'n beten Tiet vandaag,
wull mal bi ehr inkieken!"

"Ja, dar vöraver in ehr Kaat,
hett se noch körtens seten.
Arm weer se, fliedig un akkraat -
ik kann se nich  vergeten!"

"Nu segg mi doch is, gode Mann,
wo wahnt se denn vandagen?
Wenn ik dat jüst noch rieten kann,
denn will ik flink henjagen!"

"Se wahnt koolt in de koole Eer.
Se weer mien gode Moder.
Nu weent se kiene Tranen mehr
um minen öllsten Broder."

"Wat seggst du? Grete Helms weer?
Un se, se weer dien Moder?
Gott vergeev mi!  Man kiek her:
Ik bun 't, Franz dien Broder!"

Tohopriemelt van MP

Woortverklaaren:
Kaat=kleines, niedriges Heuerhaus; akkraat=sorgfältig; koolt=kalt