Ammerläner Bruuktum to de Arntetiet; Deerns övergefft de Kroon up din Festplatz an de Jungs. Dorbi wat de Spruch van eene Deern upseggt!

Edewecht / Ammerland Hier is de Kroon!
Ik bring se Jo!
Hier is de Kroon! Se röppt Jo to:
"Kiek her, ji Lü van Dörp un Land!
Kiekt her, ji all van'n Burenstand!
Of groot, of lütt, of Knecht of Deern,
wenn ji dar alltohoop nich weern,
leet'n Ploog un Schepel ruhig stahn
un weern man blot för't Leddiggahn,
ja, denn ji Lü, denn weer dat leep,
denn geev't kien Kroon, de jo nu reep!"

Ji hebbt jo Dagwark räken daan,
un darför kann't an't Fiern nu gahn.
De Arnt is in. Nu kummt dat Freun!
Nu köönt ji all in'n Danz jo dreihn!
Wer arbeit't hett so Dag för Dag,
van Harten ok woll fiern mag!
Hier is de Kroon! Ik bring se jo!
Hier is de Kroon! Se röppt jo to:
"Nu treckt mi hoch, so as wollehr
bi jo dat alltiet Bruuk al weer!
Ik will as joe Arntekroon
dar hangen, jo to Lust un Lohn! 

Tohopriemelt hett dat Fritz Binder.

Woortverklaaren:
Lleddiggahn=ohne Arbeit sein; Ploog=Pflug; Schepel= Scheffel; altes Landmaß (z. B. eine Sähmolle voll Getreide!).