Straaten in 't Ammerland

Edewecht / Överall bi us! Ammerland.
Swart-, gries un grau
treckt 'n Stratenband kilometerwiet
dör 't ganze Ammerland.

Leitplanken, Asphalt, Zement un Teer,
Blickkarossen smiet Mief umher.

Dat brummt un rullt, jagt um 'e Wett,
de Tiet, de tellt, de nüms mehr hett.

Dartwüschen Minschen, de föhlt sik stark,
meent wunnerswat - is Minschenwark.

Wat wirklich van Wert dat seht se nich.
Straaten un Autos nehmt ehr de Sicht.

Tohopriemelt van H.S.