Wat so 'n Fro mitmaken deit.

Edewecht / Ammerland Se sitt sick al 'n paar Jahr in 'e Schrievstuuv gägenöver. Nu an dissen Morgen is de een ganz upgerägt un zappelig. He rüschet up sien Stohl hen un her un kann knapp wat don. "Minsch, Franz?" frog do de anner, "wat is denn blot mit di vandagen los? Is dar wat passert?" "As man dat so nähmen deit! Ich bin vannacht Vader van Twillingen wurden!"! "Wat? Vader van Twillingen? Un dar hest du mi nix van vertellt, dat bi jo wat ünnerwegs weer? Denn greleer ich di ok ganz düchtig! Un wo geiht dat dien Fro?" "Och, bit nu noch ganz goot!" "Du snackst dar aber 'n Tüünkram her!" Wat heet dat denn, bit nu?" "Dat is ja jüst, Emil, bit nu wett se dat noch gornich!" Överlevert Woortverklaaren: rüschet = gleitet, Tüünkram = Unsinn