Moder Timmermann kennt sick nich ut!

Edewecht / Ammerland Vanabend harrn de Göörn mal wat länger upblieben dröfft. Morgen weer ja Maifierdag un se bruuken nich na de School hen. Nu weer dat Spill för de Kinner dar in de Flimmerkist to Enn un een Show fung dr' an. Moder Timmermann keek sick dat een Tiedlang an, denn sä' se an äre dree Kinner:"So, ji dree, nu ward dar aber Tied för jo! De Klock geiht all up nägen to! Fierabend! Is Tied för Kinner na'n Bett! Is ja all so laat, de Tanten dar in de Flimmerkist treckt sick ok all ut!" Overlevert Woortverklaaren: Göörn=Kinder; Spill=Spiel; Flimmerkist=Fernsehgerät.