Wat is 'n Schatz?

Edewecht / Volksschool in de Buurnschaft Ekern Schoolmester Janßen sä to de Kinner: "Ik will jo is woller 'n Geschicht vertelln. Lustert ok moi to!" He harr 'n dick Book in'e Hand. "De Geschicht heet: Die Schatzgräber in den Osenbergen. Ehder ik dar nu mit anfang, mugg ik geern mal van jo wäten, wer van jo weet, wat 'n Schatz is!" Dree Finger gungen hoch, twee Jungs un een Deern. "Na Hinnerk, denn vertell is!" "Een Schatz, dat sünd Büdels mit Gold un Sülver!" "Ja, dat kann dat goot wesen, sä de Schoolmester. Na, un du Heini?" "Dat is 'n Kist mit Saken ut Gold, Sülver un Diamanten!" "Un du, Lisbeth?" "Was mein Bruder Heini is, mein großen, der hat auch 'n Schatz. Avers nich in 'e Osenberge, nä, in Jeddeloh, un da fährt er ümmer sonntags mit 's Rad hin!" Överlevert