Freitag, 16. Juni 2017, 20:11 Uhr
SoVD Ocholt

Spargeläten bi de Quernster Möhl

145
0
 

Mit denn SoVD Ocholt to`n Spargeläten bi de Quernster Möhl

Westerstede Nu is dat woller sowiet: Dat Förjohr is doar. Een Johrestied, up de sick elkeen jedet Johr ganz besünners freit. Up de Sünn, dat frische Gröön und natürlich up denn Spargel un de Erdbeeren. Man kann vandogen jo dat heele Johr över Spargel und Erdbeeren köpen. Over wat so`n echten Spargelkenner is, de smeckt ob de Stangen all een Reis üm de halve Welt mokt hebbt oder ob se von hier sünd. Un över de Erdbeeren ut Marokko oder China brükt wie gor nich ers snacken.
De Vörstand von`n SoVD har ok von`t Johr woller ´ne Spargeltour organiseert. An´n 9. Juni hebbt sick de Spargelfrünn mit`n Rad up den Wech mokt na de Quernster Möhl hindol. Dat Wäer wer „dörwussen“, at man so segen deit. Up de Hintour gung dat jo noch, over at wi dat feine Äten verteert harrn und dat woller nohus gohn schull, dor gung dat los dor buten: At ut Emmers goot dat. Gott sei Dank weern wecke mit`n Auto doar, de denn ´n poar Radfohrer mitnähmen kunn`.
Over trotzdem wer dat een moie Spargeltour, doar wer`n wi us eenig. Un dat leeg nich tolest an dat wunnerbore Äten, wat us in de Quernster Möhl updischt wurden weer. Välen Dank ok dorför an de Wirtslü.
Nu hebbt wi disse moie Tour achter us, over de nächste Veranstaltung is all in „Reichweite“: Dat ist de interessante Gesprächsrunn mit Stephan Albani MdB (CDU), Jens Nacke MdL (CDU) un Bürgermester Klaus Groß (FDP) an`n 28. Juli bi Beeken in de Kulturschüür. Um half dree geiht dat los. Dat ist doch ´ne günstige Geleegenheit, mol direkt mit de Politiker to snacken, oder nich? Doarüm meld jo bit to´n 25. Juli 2017 an ünner Telefon-Nr. 04409-293 oder 04403-8509. Wie reekt mit jo.
Bit doarhin muchen wie over girn noch ´n bäten Urlaub maaken, deswegen fallt de Frauennamiddag an´ 21. Juli ut.

De SoVD Vörstand

Leserkommentare (0)

Melden Sie sich bitte an um einen Kommentar abzugeben.
Passwort vergessen

Artikel schreiben



Bitte warten...
Schon registriert?
Melden Sie sich hier an! Passwort vergessen Anmelden
Noch nicht mit dabei?
Registrieren Sie sich hier! Registrieren

Feedback

Sie haben einen Fehler entdeckt oder einen Verbesserungsvorschlag? Schreiben Sie uns!

Suchen in der N@chbarschaft

Die Autorin