Fronslüe mööt immer recht hebben!

Edewecht / Nordseeinsel Wangeroog Up den olen Füürtoorn van Wangeroog löst sik de beiden Lüe jüst af, do hört se, dr kummt wat de Trepp rupsnuven. Jungedi, wat geiht de Fro to Kehr! Af un to piepst dr ok 'n Kerlminschenstimm twüschen, man de hett dr kien Moot bi. Dat Fronsminsch hett dat Regeer.
Nu is dat Minsch baben, verpuust sik 'n Sett un seggt denn, bannig kortaf:
"Helmut, wieviel Stufen hast du gezählt?"
He seggt: "145!"
"Falsch! Wieder falsch! 146!" snau de Olsch. Denn keek se na din Toormmann Franz röver un reep:
"He, Sie da! Wieviel Stufen hat die Turmtreppe?"
Bi dat "He!" un "Sie da!"  leep Franz so'n bäten wat root an, man denn sä he sinnig: "Dat sünd eenhunnertfiefunveertig, Madam!" 
As de beiden woller runnerklabastert weern, froog Hannes sien Kumpel Franz: "Franz, nu segg is! Wat schull dat? Du weeßt doch, dat sünd hunnertseßunveertig Trä! Warum hest du dat anners seggt?"
"Tscha!" seggt Franz un speet so recht vör Pläseer ut.
"De Madam, de kunn ik nich utstahn! Darum heff ik den Kerl recht gäven!"

Överlevert

Woortverklaarn:
Füürtoorn=Leuchtturm, Moot=Mut,