Jung kennt din Vörnaamen van sien Vader nich!

Edewecht / Ammerland Nu weern de lüttjen Kinner al veer Dag in'e School un harrn ok al lehrt, dat'n dar stillsitten un doon mutt, wat de Mestersche seggt. Vandagen weer dat so utkamen, dat de Kinner malen mössen, un as se dar nu al düchtig överto weern, harr Fro Grimmert nochmal äre Klassenliste herkrägen un keek de noch eenmal dör, of dar ok woll allns up Stä weer. Dor mark se, dat bi din lüttjen Helmut Janssen de Vörnaam van sien Vader fehlen de. Se froog:"Helmut, wo heet dien Vader woll mit Vörnaam?" Do kreeg de Jung 'n ganz roden Kopp un sä erst nix. "Na", froog Fro Grimmert denn noch mal. "Weeßt da nich? Kennst Vader sien Vörnaam nich? Wo röppt Moder dien Vader denn, wenn he mal wat schall? Weeßt dat denn?" Do strahl de Jung över dat ganze Gesicht un sä: Dickerchen heet mien Vader!" Överlevert