Harvsttied in us Ammerland

Edewecht / Ammerland De Wien an't Huus lücht bruun un root.
De Rüster farvt ähr Blöer so geel.
Leeg Water steiht in Bääk un Sloot.

Man Eckeln, Eckeln gifft dat vääl.
Een harten Winter kummt, seggt Hein,
mit grode Küll, mit Ies un Snee.
Of man't an Eckeln wäten kann?

Ick glööv dat nich un segg van nee!
Vääl Tuffeln kleit de groden Göörn,
heel fliedig ut de ruge Eer.
Staht eerst de Kramermarktsdagen vör de Döörn,
brüükt mannig Lüe een Daler mehr.

De Wintergassen mööt hinin,
man to nu, Hein, un röög de Hann'n,
laat fix de Fierdag ut din Sinn.

De Tied is dar, kumm faat mit an,
de Dag weerd körter Tog um Tog.
Bold köönt wi anners nix mehr maken,
as achtern Aven sitten noch
un's avends us dat Füür inraken.

Överlevert

Woortverklaaren:
Rüster=Feldulme; geel=gelb; Bääk=Vorfluter/Wasserlauf;Sloot=Graben; Eckeln=Eichbaumfrucht;Ies=Eis; Tüffeln=Kartoffeln;
Tog um Tog=Zug um Zug; Avend=Abend; inraken=zusammen kratzen.